20191022. A Cámara de Comercio, Industria, Servizos e Navegación de Santiago de Compostela, en colaboración coa Asociación Boirense de Empresarios (ABE) e o Banco Sabadell, organiza unha xornada dirixida a empresarios e comerciantes baixo o título de Todo o que tes que saber sobre os pagos online.
A sesión celebrarase o xoves 24, ás 09.00 horas, na sede da ABE e enmárcase nos almorzos que a Asociación realiza para comerciantes e empresarios. Así, o director Negocio TPVs e eCommerce da Territorial Noroeste do Banco Sabadell, Diego Alvela Louro, falará sobre as solucións de cobranza para comercios e as distintas formas de realizar os cobros aos clientes. Tamén dará nocións para crear un eCommerce, traducíndose en negocios omnicanle que permitan chegar a máis público e mellorar as vendas. Así mesmo, explicarase como, a través da ferramenta Big Data Kevin Retail que ofrece Banca Sabadell, os comercios poden facer análises das súas vendas e ter un comparativo sectorial.
