A Consellería de Infraestruturas e Mobilidade, a través da Axencia Galega de Infraestruturas, vén de adxudicar o contrato de redacción do proxecto para construír unha senda na parroquia do Araño, en Rianxo, co propósito de facilitar a mobilidade dos veciños.
O contrato foi adxudicado a L2 Ingeniería y Consulting por un investimento de máis de 18.000 euros, cun prazo de execución duns seis meses.
Este itinerario desenvolverase ao longo da estrada autonómica AC-305 e permitirá conectar en condicións de maior seguridade o treito entre os núcleos da Casilla, O Araño e Burés.
Así, execución desta senda peonil ten como obxectivo incrementar a seguridade viaria e favorecer os desprazamentos cotiás neste tramo da citada vía no concello rianxeiro.
O percorrido posibilitará a formalización dun itinerario peonil continuado da lonxitude que se estime precisa, e a comunicación na entorna dos citados núcleos de poboación.
