20101014 A Consellería de Educacion publicou estes días a resolución dos centros que van desenvolver o programa Radio na Biblio ao longo deste curso: un total de 80, trinta deles de nova incorporación. A iniciativa, que ten o obxectivo de impulsar a materialización de emisoras ou laboratorios radiofónicos no contexto da biblioteca escolar, estará presente en dous centros de Arousa Norte: o CEIP de Olveira (Ribeira), o CEIP Heroínas de Sálvora (Ribeira) e o CEP Xosé María Brea Segade (Rianxo). O primeiro, o de Olveira, adhírese este ano a Radio na Biblio.
Segundo informa Educación, os centros de nova incorporación recibirán fondos para a posta en marcha dun laboratorio de radio, para o que disporán do apoio da Asesoría de Bibliotecas Escolares da Consellería, que orientará o seu desenvolvemento e porá á súa disposición recursos e propostas.
Pola súa banda os centros que continúan no programa recibirán unha asignación de 500 euros por centro para a realización de obradoiros de formación específica para o funcionamento da emisora ou ben de lectura expresiva ou de mellora da expresión oral.
