20191015. A concelleira de Servizos Sociais de Boiro, Marisa Collazo, visitou aos participantes no grupo de musicoterapia dos luns no Centro Social de Cabo de Cruz. O obxectivo desta actividade reside en mellorar a calidade de vida das persoas maiores, promovendo a socialización e a comunicación a través dos sons.
O curso desenvólvese en Cabo de Cruz os luns e venres, participando un total de 39 persoas. Esta acción tamén se realiza na tarde dos luns no Centro Social de Boiro, asistindo un total de 45 persoas que se dividen en dous grupos.
Desde o Concello sinalan que, debido ao incremento da afluencia a estes talleres de musicoterapia, este ano foi preciso dividir as sesións en dous períodos: o primeiro, de marzo a maio, e o segundo -o que se está realizando actualmente-, de outubro a novembro.
