O teatro musical ‘A nena e o grilo máis aló’ chega a Boiro este venres

20191009. A Casa da Cultura Ramón Martínez López de Boiro será escenario o venres 11, ás 20.00 horas, de A nena e o grilo máis aló, a cargo de Magín Blanco con Teatro Ghazafelhos. Nesta creación, os protagonistas esmagan sen querer unha araña. Así, embarcaranse na aventura de procurar un xeito de devolverlle a vida, atopándose cuns artistas ambulantes que os guían a través da maxia e da música ao país dos mortos. Alí procederán á busca da súa amiga para traela de volta.

Este teatro musical está destinado a un público infantil e familiar maior de 3 anos.