Boiro será escenario dun curso que formará ás mulleres en defensa persoal e autocapacidades, impartíndose no local multiusos do mercado municipal por parte de especialistas da Federación Galega de Loita (Fegaloita) e pertencentes ás Forzas e Corpos de Seguridade do Estado. Así, desenvolverase en dúas sesións, os días 20 e 22 de novembro, en horario de 16.30 a 20.30 horas.
Esta acción formativa está dirixida a todas aquelas mulleres que estean interesadas en participar, independentemente da súa idade ou condición física. O obxectivo é aprender a identificar as agresións, analizar a orixe e a busca de mecanismos e actuacións para responder e resolver situacións de agresión na vida cotiá. Con esta iniciativa, preténdese dotar ás mulleres de recursos e ferramentas para identificar as agresións e actuar fronte ás mesmas.
O prazo de inscrición xa está aberto, podendo formalizarse de maneira presencial no Centro de Información á Muller (CIM) do Concello de Boiro -situado no segundo andar-, no teléfono 981949960 con extensión 1250 ou no enderezo electrónico directoracim@boiro.gal.
Esta actividade está organizada polo Concello boirense a través do Centro de Información á Muller (CIM) e financiada pola Secretaría Xeral de Igualdade xunto coa Federación Galega de Loita (Fegaloita).
