O sexto Foro de Rehabilitación de Rianxo chega ao seu fin o sábado 26, ás 19.00 horas, co coloquio Projectos Recentes, a cargo de Eduardo Souto de Moura. A primeira parte deste evento desenvolveuse os días 4, 5 e 6 de outubro, incidíndose nas tres R: rehabilitación, restauración e rexeneración urbana.
Esta edición contou coa presenza de relatores coma Iago Seara (director xeral de Patrimonio Cultural), Manuel Seoane (restaurador da Catedral de Ourense), Guido Alfonso Tomasini (restaurador que emprega só materiais da terra) e José Aguiar (profesor da Universidade de Lisboa), entre outros.
