Aprobada a municipalización do complexo deportivo de A Cachada e a liña de axudas para a compra de libros e material escolar

11 Outubro 2019

20191011. Boiro celebrou na tarde de onte o pleno ordinario correspondente ao mes de outubro coa ausencia dun edil do PP. O grupo municipal Boiro Novo presentou unha moción relativa ao establecemento dunha liña de axudas para a compra de libros e material escolar, así como o aumento de prazas con dereito a axudas nos comedores escolares. Este punto saíu adiante cos votos a favor de Boiro Novo, PP, BNG e Ciudadanos, así como a abstención de IC Boiro e a pesar dos votos en contra do PSdeG-PSOE.

Outra das cuestións a tratar foi a moción presentada polo BNG sobre a municipalización do complexo deportivo de A Cachada, a cal foi aprobada por unanimidade eliminando o segundo punto correspondente coa suspensión de calquera inversión “que teña como finalidade a ampliación da infraestrutura municipal en tanto non se proceda á súa municipalización, limitándose a realizar no Complexo Deportivo da Cachada aquelas actuacións que teñan como único obxectivo o seu mantemento e sexan imprescindibles para que os usuarios e usuarias da mesma poidan facer un uso destas conforme ao que sería un correcto funcionamento do servizo.”

Tamén foi aprobada por unanimidade a moción dos nacionalistas en relación á adopción de medidas que contribúan a corrixir o “mal uso” das rúas e espazos peonís por parte dalgúns usuarios de vehículos, así como a colocación de sinais de identificación de existencia dunha vía de carácter peonil.

Na quenda de rogos e preguntas, o voceiro de Ciudadanos, Carlos Rodríguez interesouse pola actuación anunciada polo goberno local sobre a tala dunhas árbores no entorno de A Cachada, solicitando a busca dunha alternativa para evitar dita situación. O tenente de alcalde, José Luís Ruiz, sinalou, en relación aos eucaliptos, que “as árbores son cada vez de máis porte, máis grandes. O lugar onde están implantados perde máis terreo e iso implica un problema de seguridade para o propio complexo deportivo.” No que respecta a un carballo, Ruiz apuntou que ten algunha das súas ramas sobre o teito do complexo deportivo, caendo o froito e “obstruíndo caños e sumando un peso á estrutura propia”. Neste caso, procederase unicamente á tala daquelas ramas que afectan ao recinto. Así mesmo, engadiu que se atopan estudando a retirada duns pinos vellos co obxectivo de “eliminar a perigosidade.” Do mesmo xeito, precisou que, de producirse a tala, procederase á plantación de especies autóctonas.

Ademais, Boiro Novo quixo coñecer as actuacións e planificación do goberno sobre o equipamento de desfibriladores nos espazos municipais; o expediente de Boiro Mar; e os criterios a seguir nas comunicacións a través das redes sociais do Concello “para que non sexa unha rede de propaganda exclusiva do goberno municipal”, tal e como expresou a concelleira Dores Torrado.

Pola súa parte, a voceira do BNG, Raquel Suárez, preguntou a razón da ausencia de representación do Concello na xuntanza que houbo esta semana para acabar cos vertidos que afectan á ría de Arousa.

Outros artigos

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....