Abre o prazo para participar no obradoiro de mindfulness en familia de Rianxo (Apego)

10 Outubro 2019

20191010 O Proxecto Apego no concello de Rianxo continúa adiante, este mes de outubro, achegando claves para vivir mellor e máis plenamente e fomentando hábitos saudábeis entre persoas de todas as idades, aínda que poñendo o foco nas e nos que máis cómpre protexer: as nenas e os nenos. As actividades de Apego esta tempada comezaron en setembro cos faladoiros de hábitos alimenticios positivos (que proseguen en outubro con sesións os días 16 e 23, a cargo de Lidia Folgar, experta en nutrición infantil) e complétanse este mes coas sesións de mindfulness en familia. Estas, que abriron onte o prazo de inscrición para participar nelas, virán da man da pedagoga familiar Raquel Bello, de Espazo Oikos.

As sesións, media ducia delas, levaranse a cabo os días os días 25 e 31 de outubro e os días 8, 15, 22 e 29 de novembro. Coma nos anteriores casos, celebraranse no Auditorio de Rianxo e farán fincapé en axudar a familias con crianzas e ao persoal educativo (docentes de ensino infantil e primario, educadoras e educadores de garderías, persoal de ludotecas ou responsábeis de comedores escolares, entre outros colectivos).

A actividade de mindfulness terá un custo de 20 € (individual) e de 25 € (con acompañante da mesma unidade familiar). Están exentas do pagamento aquelas unidades familiares que teñan uns ingresos por debaixo do IPREM.

O mindfulness, unha metodoloxía de mellora persoal moi ligada á intelixencia emocional, é o adestramento da atención para lograr un estado de acougo e sosego que nos axude a incrementar a conciencia de nós mesmos. Trátase, segundo explican dende Apego, “de centrarnos no momento presente, aceptando as emocións para controlar a frustración ou a ansiedade para liberarnos do que nos fai perder o control”. En última instancia, o obxectivo é aprender a sermos máis libres e a ter un meirande dominio sobre aquilo que dentro de nós mesmos nos provoca desacougo e estrés.

Outros artigos

As augas de Tanxil, As Cunchas e Torre, cualificadas de excelentes

O Concello de Rianxo informou esta semana que as tres praias locais incluídas no Rexistro de Augas de Baño de Galicia (Tanxil, As Cunchas e A Torre) foron cualificadas polo Servizo Galego de Saúde como de “calidade excelente". Ademais, os tres areais están incluídos...

+

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...