Como cada 31 de outubro, usuarios e familias da Asociación Amicos realizan unha xuntanza diferente coa que compartir festexos tradicionais. Así, no días de hoxe contaron con talleres de disfraces -bruxas, pallasos diabólicos, esqueletos e joker-; obradoiros de repostería monstruosa -con fresas fantasmabólicas, galletas monstruítos e dedos cortados-; así como baile e diversión. Ademais, un grupo de zombies invadiu os escenarios e as aulas ao ritmo de Thriller, contaxiando cos seus movementos aos alí presentes.
Tamén houbo concurso de cabazas, onde os participantes tiveron de demostrar as súas destrezas e creatividade. O xurado composto por Gabriel, Marina e Javier ditaminou os tres gañadores: Ricardo, Cristian e Roberto, quen é o segundo ano consecutivo que logra este galardón.
A xornada rematou con karaoke e baile, tras desfrutar das chulas de cabaza, sobremesa tradicional elaborada polas cociñeiras do centro.
A Asociación Amicos, que atende a persoas con discapacidade intelectual , autismo e parálise cerebral e ás súas familias, organiza periodicamente este tipo de celebracións en datas sinaladas para que os usuarios poidan participar en pé de igualdade na vida social e cultural da súa contorna.
