A Área Sanitaria de Santiago e Barbanza celebrou o Día do Ictus

29 Outubro 2019

A Área Sanitaria de Santiago e Barbanza conmemorou hoxe o Día de Ictus, e fíxoo achegando información para sensibilizar á cidadanía na importancia de minimizar con hábitos saudábeis os factores de risco e, tamén, de saber detectar os síntomas e acadar unha atención máis temperá e, en consecuencia, unha máis segura recuperación. Segundo lembraron as responsábeis da demarcación sanitaria, hoxe en día o ictus é a primeira causa de morte nas mulleres. “A doenza mata unha persoa en España cada seis minutos”, engadiron.

Na xornada de concienciación participaron a xerente da área sanitaria compostelá Eloína Núñez, a subdirectora de calidade asistencial, Beatriz Pais, o xefe de servizo de Neuroloxía José María Prieto, e Manuel Rodríguez-Yáñez e Susana Arias, da Unidade de Ictus. As actividades leváronse a cabo a carón da mesa informativa que a asociación de Dano Cerebral Sarela instalou na entrada do hospital Clínico de Santiago.

Segundo lembraron, o dito complexo hospitalario compostelán é un dos centros de atención ao ictus específicos de Galicia, e “foi o primeiro en contar cunha unidade específica para esta patoloxía”, amais de ser pioneiro en dispor dunha unidade de atención as 24 horas. Respecto ao número de persoas atendidas en 2018 pola devandita doenza, principalmente da comarca de Santiago e a de Barbanza, foi de 588 pacientes (458 con ictus isquémico, 60 con hemorraxias cerebrais e 40 con AIT (ataque isquémico transitorio). “Grazas á existencia da unidade de ictus”, explicaron no acto de hoxe, “o 43% dos doentes que acudiron a Urxencias polo devandito (976 en total) puideron ser dados de alta desde o propio servizo de urxencias”.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...