20190924. O pintor aguiñense Manuel Ayaso inaugura o venres 27, ás 20.00 horas, unha exposición baixo o título Ego Sum e que se poderá visitar ata o 5 de novembro. A mostra estará dispoñible en La Catedral, Lugo, con pinturas que supoñen un cambio, liberándose do tenebrismo a través de cores cálidas e intensas. Ao redor de sesenta obras, das cales escolleu trinta e sete para a ocasión, estando presentes en todas elas o mar e a lúa. Como el mesmo nos dixo nunha entrevista recente, “é Ayaso, pero é diferente.”
