20190919. A praza do Concello de Ribeira acolleu na tarde de onte, ás 20.00 horas, unha concentración organizada por Mulleres en Acción. Numerosa veciñanza amosou a súa repulsa polo triplo feminicidio de Valga, acontecido na mañá do luns 16, cando un veciño de Ames asasinou á súa ex-muller, ex-sogra e ex-cuñada diante dos cativos, no momento en que estes se dispoñían a ir ao colexio.
Ribeira uniuse así a máis da cincuentena de cidades repartidas por todo o territorio galego que clamaron onte contra esta problemática que atenta contra a vida e a integridade física e psicolóxica das mulleres.
