20190917 O cómico e narrador oral Pedro Brandariz fará unha parada este mércores en Boiro ao abeiro desas xiras súas que o están a levar de maneira incansábel por por toda a xeografía galega, desta volta co gallo do espectáculo Contos e Outras Andrómenas, un show cómico para público familiar que está dirixido non só a enganchar á rapazada, senón á parte adulta que xeralmente vén coa rapazada e que, se se despista, é quen de desfrutar dos espectáculos igual cós máis pequechos. A cita será este 18 de setembro na Biblioteca Municipal, a partir das 18.00 horas.
Máis en detalle, Contos e Outras Andrómenas é unha escolma de relatos da tradición oral galega, pasados polo filtro humorístico de Brandariz e servidos de maneira específica para “presentar a pé de rúa”, en palabras do propio contacontos, que ten máis datos sobre o espectáculo e sobre a súa traxectoria artística na web de seu, www.pedrobrandariz.com.
