20190920. – O Banco Santander pechou este venres 176 oficinas no marco da execución do Expediente de Regulación de Emprego (ERE) que acometerá a entidade e que contempla clausúraa dun total de 1.150 sucursais.
Entre as oficinas pechadas está a da Avenida da Constitución 22en Boiro, antigua oficina do Banco Pastor situada caseque enfrente da actual do Santander.
Deste xeito, segundo o calendario marcado polo Santander, tras botar o peche en 86 oficinas hai dúas semanas, este venres 20 de setembro levou a cabo a clausura de 176 sucursais, á que seguirán 164 o 4 de outubro e 175 máis o día 18 do mes que vén. Nesta nova quenda, Santander pechou 32 oficinas en Castela e León, 26 en Catalunya e Galicia, respectivamente; 21 en Andalucía, 18 en Madrid e 17 en Valencia e Murcia. Ao mesmo tempo, veranse afectadas sucursais en Aragón, Navarra, A Rioxa, Baleares, País Vasco, Canarias, Cantabria, Asturias, Castela A-Mancha e Estremadura.
