20190903. Os nacionalistas de Boiro organizan para o xoves 5, ás 21.00 horas, un coloquio sobre a problemática das velutinas. O acto celebrarase no Centro Social boirense e contará coas intervencións de Raquel Suárez, voceira do BNG local; Daniel Vázquez, coautor da curtametraxe As Ladras; Manolo Domínguez, biólogo, divulgador, experto medioambiental e membro de ADEGA; e Xosé Luís Rivas, Mini, deputado do BNG no Parlamento de Galicia.
Na presentación desta cita, a formación política aproveitou para denunciar o que considera unha inacción da Xunta fronte a esta situación, así como a “falta de acción combinada das administracións, coordinación entre tódolos axentes afectados e recoñecemento da gravidade da situación.”
Así mesmo, sinalaron que se aplican políticas de “xa se vai facendo.” Respecto disto, engadiron que “deixando as e aos afectados que se valan por si mesmos.”
Ademais, precisaron que “faltan medios e recursos para atallar o problema e non hai visos de que mude tal situación”, aplicando “coma sempre as políticas medioambientais de improvisación.”
