20190906. A Garda Civil do Posto Principal de Boiro detivo a dous individuos como presuntos autores dun delito de furto de uso de vehículo a motor e outro delito de danos.
Os feitos sucederon a raíz da aparición dun vehículo somerxido na boirense praia de Barraña, o día 3 de agosto do presente ano. A Garda Civil investigou o suceso para o seu esclarecemento e a identificación do autor ou autores dos mesmos. A Benemérita realizou as xestións e actuacións pertinentes, obtendo como resultado das mesmas o coñecemento dos responsables dos ilícitos.
Os detidos apropiáronse das chaves do turismo nun local hostaleiro de Boiro, desprazándose co mesmo ata a zona do referido areal, causando no transcurso danos nun vehículo estacionado e somerxendo posteriormente o automóbil furtado no mar, valorando danos ocasionados en ambos en 7300 euros.
Por todo isto, a Garda Civil procedeu á detención destas dúas persoas como presuntos autores dun delito de furto de uso de vehículo a motor e outro delito de danos. Os detidos, xunto coas actuacións realizadas, foron postos a disposición do Xulgado de Instrución de garda de Ribeira.
