20190923. A Concellería de Emprego do Concello de Boiro abre os prazos de inscrición para os cursos do primeiro cuadrimestre da UNED Senior 2019-2020 que se impartirán entre os meses de outubro de 2019 e xaneiro de 2020.
Este primeiro cuadrimestre contará con tres accións formativas, todas elas de 30 horas, tal e como indica o programa da UNED Senior. A relativa a benestar animal impartirase os luns alternos, en horario de 16.30 a 20.30 horas, comezando o 14 de outubro; mentres que o día 15 iniciarase a de conservas caseiras de alimentos, tendo lugar os martes alternos de 16.30 a 20.30 horas. O terceiro dos cursos correspóndese con poda, enxertos e cultivo de froita ecolóxica, celebrándose tamén os martes alternos no mesmo horario.
O viveiro de empresas será o lugar que albergue esta formación, cun prezo establecido en 50 euros para cada unha das accións. Os interesados poden consultar toda a información no propio Concello e anotarse a través do Servizo de Orientación Laboral -situado no primeiro andar do Consistorio-, do número de teléfono 981842609 ou do enderezo electrónico orientacion.laboral@boiro.org.
