20190909. A semana pasada clausurouse o curso 2018-2019 da UNED Senior do Concello de Boiro coa entrega dos diplomas ao alumnado participante, ao redor de 250 persoas. Ao acto asistiron o alcalde de Boiro, José Ramón Romero; a coordinadora da UNED Senior no Barbanza e tamén docente, Carmen Freire; a mestra de lanoterapia, Socorro Vázquez; e a mestra de aproveitamento de plantas silvestres, Lucía Ferreira.
A UNED Senior ofrece un programa de formación para persoas maiores de 50 anos, independentemente da súa formación académica. Deste xeito, convértese nunha opción para que os maiores da comarca se formen en diversas materias. Este curso impartiuse por primeira vez en Boiro, dividido en dous cuadrimestres: o primeiro deles de outubro a xaneiro, e o segundo de febreiro a maio. As clases tiveron lugar no viveiro de empresas e impartíronse diversas habilidades coma cursos de panadería e pastelería, conservación de alimentos, hortofruticultura ecolóxica, lanoterapia e aproveitamento de plantas silvestres.
