A marea rosa percorrerá Boiro plantándolle cara ao cancro de mama

24 Setembro 2019

20190924. Unha nova edición da Andaina Solidaria contra o cancro de mama chega a Boiro para recadar fondos destinados á loita contra esta enfermidade. Os encargados de dar a coñecer os detalles desta cita foron o alcalde boirense, José Ramón Romero, acompañado de membros da organización por parte de Cimadevila Salud, Carmen Pouso e Ricardo López.

Esta andaina celebrarase o domingo, 20 de outubro, situando o punto de saída na praza do Concello, ás 10.30 horas. A continuación, procederase á realización do itinerario que percorrerá Triñáns, O Saltiño, A Boliña, o paseo marítimo, estuario do río Coroño e Goiáns para regresar novamente ao emprazamento de saída, ao redor das 13.30 horas, onde tódolos participantes se xuntarán para formar un gran lazo rosa.

Carmen Pouso afirmou que a andaina é “sinxela” co obxectivo de que participe xente de tódalas idades, pois “queremos superar os dous mil participantes do ano pasado, o noso obxectivo é tinguir Boiro de rosa.”

Pola súa parte, o rexedor expresou o seu agradecemento á organización por “implicarse na realización dunha actividade como esta, que nos fai a todos tomar conciencia e involucrarnos por unha causa solidaria.” Así mesmo, animou á veciñanza boirense e doutros municipios a inscribirse neste evento, xa que “o percorrido é sinxelo para que calquera poida participar dentro das súas posibilidades e facelo pola loita contra o cancro.”

As inscricións están abertas desde este luns, acadando xa a cifra dos 200 participantes. Os interesados poden anotarse na Farmacia Cimadevila, cun prezo establecido nos 10 euros para os adultos e 5 euros para os cativos, incluíndo a camiseta e unha mochila. Todo o recadado doarase á Asociación Española Contra o Cancro (AECC) coa finalidade de contribuír á investigación neste eido.

Outros artigos

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...