Protección Civil da Pobra rescata un golfiño varado

19 Agosto 2019

20190919 Os encallamentos de golfiños e outros cetáceos na nosa costa non sempre teñen un final que lembrar con tristura, como aconteceu hai uns días co falecemento de dous machos novos de golfiño que vararon nas praias dos nosos concellos. Esta fin de semana, o sábado, a Coordinadora para o Estudo dos Mamíferos Mariños (o CEMMA, a través da Rede de Varamentos) volveu actuar con urxencia na nosa costa para tentar salvar a vida dun golfiño común que encallou nun treito costeiro da Pobra onde predominan as lameiras.

O aviso da veciñanza fíxose sobre o mediodía e pouco despois, aproximadamente en media hora, o exemplar xa estaba de novo nadando na procura da súa manda. O rescate (e a rapidez no rescate) foi posíbel grazas ao eficaz traballo despregado polos membros da Agrupación de Protección Civil da Pobra, coas indicacións a distancia dos especialistas da Rede de Varamentos, con sede en Nigrán.

O CEMMA salientou o labor despregado pola agrupación pobrense e polo comportamento concienciado da veciñanza, xa que foron unhas veciñas as que chamaron ao 112 alertando dos apuros do arroaz e mandaron unha imaxe indicando a súa situación.

A coordinadora lembra que que no caso de detectar unha manda de arroaces preto do litoral cómpre avisar ao servizo do 112 ou ao 686 989 008 (teléfono de coordinación da Rede de Varamentos).

Outros artigos

Publicidade

Revista en papel

Opinión

“Inseguridade social” – José Manuel Pena

“Inseguridade social” – José Manuel Pena

A Fundación Europea para a Mellora das Condicións de Vida e de Traballo da UE (Eurofound) sinala que “os sentimentos de inseguridade en varios aspectos da vida da poboación europea están estendidos, mesmo entre as persoas que están materialmente acomodadas. Os...