Paco Nogueiras chega a Boiro con ‘Radio Bulebule’

20190816. O espectáculo Radio Bulebule de Paco Nogueiras celebrarase o vindeiro martes, 20 de agosto, ás 21.00 horas, no parque Subuqueiro de Cabo de Cruz. O medio radiofónico inspira as 12 canción deste libro-disco, con temas que se dispoñen a modo de grella de programación dunha emisora, polo que tampouco faltan a sintonía de entrada, axenda cultural, magazine de variedades, música, faladoiro, noticias, información deportiva e previsión metereolóxica. Ademais, están presentes outros elementos sonoros coma, por exemplo, as transicións ou sinais horarias.

Con ritmos pegadizos e bailables, esta actividade está pensada tanto para cativos coma para maiores, aberta ao público en xeral e de balde.