20190826. A San Nikolas de Orio Babyauto fíxose coa XXIX Bandeira Concello de Boiro e suma así a sétima vitoria da tempada. A regata disputouse durante a mañá de onte no porto deportivo de Cabo de Cruz, sendo a oitava puntuable da Eusko Label Liga coa participación de tódolos integrantes da Asociación de Clubs de Traiñeiras.
Orio conseguiu así o primeiro posto da competición cun tempo de 19’43’’80, cunha diferenza de tan só 8’’86 respecto ao Zierbena Bahías de Bizkaia, que acadou a prata. O Urdabai Avia completou o podio con 19’57’’46. Despois quedou Go Fit Hondarribia, Santurtzi Iberdrola, Donostiarra, Kaiku, Cabo de Cruz, Ondarroa Cikautxo, Astillero-Repsol Electricidad y Gas, San Pedro e Lekittarra Elecnor.
Deste xeito, os remeiros crucenses conseguiron un oitavo posto cun tempo 20’15’’58 e ocupando o mesmo espazo na clasificación xeral con 90 puntos.
A proba realizouse polo sistema en liña, a catro longos e tres ceavogas cun percorrido de 5.556 metros nun campo orientado de norte a sur.
