20190805. O alcalde de Rianxo, Adolfo Muíños; a tenente de alcalde, María del Carmen Figueira; e a concelleira de Cultura, Mocidade e Museos, Raquel García, visitaron esta mañá o Campamento Urbano e Deportivo Rianxo 2019, o cal se celebra desde o 3 de xullo no pazo de Rianxiño.
Neste campamento participan ao redor de 200 nenos e nenas de entre 4 e 12 anos, desenvolvéndose numerosas actividades deportivas, talleres de cociña, artesanía ou xogos, entre outros. Ademais, os venres realizan unha saída a puntos do municipio coma, por exemplo, a praia ou o teatro.
Así mesmo, conta con servizo de transporte que percorre tódalas parroquias para o traslado dos cativos. O horario é de 10.30 a 13.30 horas, aínda que tamén conta co Plan Madruga.
O mércores 14 será a clausura e, para despedirse, organízase para este vindeiro venres unha acampada no propio pazo, ademais da festa que celebrarán con inchables e obradoiros.
