20190806. A boirense praia de Barraña servirá de escenario este xoves 8, ás 20.00 horas, para o espectáculo Dona Barriga Verde a cargo de Larraitz Urruzola. Trátase dunha obra de monicreques que integra elementos do noso Barriga Verde con préstamos doutras tradicións europeas. Así, os paisanos, o demo ou a morte atópanse na escena co crocodilo ou o bebé habituais do Punch Inglés. Ademais, nesta ocasión a protagonista é unha muller, desafiando as convencións de xénero.
Esta cita enmárcase dentro da programación da axenda cultural promovida polo Concello.
