20190805. Un total de 11 axentes e ex-axentes da Policía Local boirense acusan ao xefe do corpo de posibles irregularidades. No escrito presentado no Rexistro do Concello describen unha serie de situacións e solicitan que se investigue, pois poderían derivar en graves irregularidades. Algunhas delas incluso serían constitutivas de delitos coma malversación, tráfico de influencias ou prevaricación.
Agora, desde o Concello están investigando para esclarecer se os feitos sinalados son verídicos e o alcalde José Ramón Romero indicou que se atopan traballando arreo no tema.
