Boiro será escenario dunha nova edición da Regata Hotel Galatea-Trofeo Conservas Pescamar

21 Agosto 2019

20190821. O Náutico de Boiro-Marina Cabo de Cruz acollerá esta fin de semana a chegada e saída da vixésimo terceira edición da Regata Hotel Galatea-Trofeo Conservas Pescamar, sendo a novena vez que se celebra no municipio de Boiro e que contará con máis dunha vintena de embarcacións participantes de catro clases. Así o anunciaron no acto de presentación o alcalde boirense, José Ramón Romero; o concelleiro de Deportes, Marcos Fajardo; o presidente do Náutico de Boiro, Manuel Chicolino; e o presidente do Náutico de Portonovo, Javier Ruíz de Cortázar.

A Regata Galatea terá lugar o vindeiro sábado 24, cando as embarcacións cheguen a Cabo de Cruz desde Portonovo, aproximadamente ás 19.00 horas. O domingo 25 as naves partirán novamente cara o Náutico de Portonovo ao redor das 12.00 horas, coincidindo tamén coa regata ACT de Traíñas. Por este motivo, tódalas embarcacións levarán unha bandeira vermella homenaxeando ao Club de Remo Cabo de Cruz.

O presidente do Náutico de Portonovo, Javier Ruíz, agradeceu ao Concello a súa colaboración para seguir levando a cabo esta regata que é “unha das máis importantes de Galicia, moi tranquila e na que participan moitas embarcacións”, mentres que o seu homólogo no Náutico de Boiro, Manuel Chicolino, apuntou que “é un orgullo a colaboración con esta regata e a relación que hai entre os dous náuticos.”

Pola súa parte, o edil Marcos Fajardo convidou a todos a acudir esta fin de semana a Boiro, xa que “son uns días moi importantes para os deportes náuticos do municipio, ao coincidir a Regata Galatea coa Liga ACT de Traíñas.”

O alcalde de Boiro expresou o seu agradecemento aos presidentes de ambos clubs, agardando que “se manteñan estas colaboracións e que poidamos seguir desfrutando desta regata noutras ocasións.” Así mesmo, animou a achegarse o sábado ao Náutico de Boiro porque “se vai poder ver unha imaxe moi bonita da nosa ría, cos veleiros por un lado e as Traíñas polo outro.”

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

O Concello de Boiro acondiciona os areais de cara á época estival

O Concello de Boiro traballa no acondicionamento dos areais do municipio de cara á época estival. As actuacións que se están a levar a cabo teñen como finalidade a renovación e mellora dos servizos de praias logo da época de temporais. As brigadas de obras están a...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...