Axóuxere e a escritora Marina García seguiron os pasos de Castelao no Río da Prata

26 Agosto 2019
O seminario celebrado na Biblioteca de Rianxo

20190826 Esta fin de semana diferentes escenarios de Rianxo foron faladoiros sobre literatura e artes gráficas, e sobre a influencia da vila no estranxeiro, alén do Atlántico, como fornecedora de grandes exemplos de dinamización cultural. Da man da Axóuxere Editora e do Concello, a Biblioteca Municipal e a residencia de escritores de Axóuxere en Brión acolleron o seminario de pensamento de Rianxo para o mundo (análise da obra gráfica de Castealo e Eduardo Dieste en Arxentina), impartido pola escritora Marina García López, no que participaron investigador@s, escritor@s e estudantes, da propia vila natal de Catelao e doutros recantos da nosa terra.

O obradoiro, que se celebrou (como todo o programa de obradoiros estivais de Axóuxere) conxuntamente co Concello de Rianxo e a Deputación da Coruña, complementouse coa conferencia Modernidade na pegada gráfica de Castelao e Eduardo Dieste, o venres 23 de agosto ás 20 horas na Casa Museo de Rafael Dieste. Esta conferencia de Marina García significou, en boa medida, a estrea da devandita casa museo como centro de cultura (rianxeira, galega, universal) logo das remodelacións e rehabilitacións recentes levadas a cabo polo Concello e a Deputación, dirixidas a poñer a vivenda do autor de Dos arquivos do trasno a disposición da cidadanía.

A conferencia celebrada na Casa-Museo de Dieste /Imaxe da Biblioteca Municipal

A autora galega Marina García López foi elixida este ano para participar na residencia de escritor@s de Axóuxere polo interese dun proxecto de seu que estuda a influencia do traballo artístico de Alfonso Daniel Rodríguez Castelao e Eduardo Dieste no rumbo das artes gráficas riopratenses cara á modernidade. “Especialmente interesante tamén a revalorización da pouco coñecida figura de Eduardo Dieste”, destacou o comité encargado de seleccionar as autores e autores beneficiados das estadías en Brión, na casa da editorial.

Outros artigos

Unha muller ferida nun accidente na autovía en Asados

Unha persoa necesitou atención por parte dos servizos sanitarios logo dun accidente de tráfico ocorrido preto das cinco da tarde deste martes na autovía de Barbanza. O vehículo que conducía saíuse da vía na zona de Asados e terminou envorcado sobre o asfalto. Os...

+

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...