20190802 O Concello da Pobra quere pór freo ao problema dos vertidos incontrolados de lixo, ou sexa, o depósito de refugallos en emprazamentos (montes, praias, camiños, leiras particulares) que non son os axeitados e que, alén do impacto visual negativo, teñen consecuencias moi prexudiciais para o medio ambiente (boa parte do que desbotamos dos nosos fogares, non só aparellos eléctricos e electrónicos, ten elementos contaminantes). Por esta razón lembra á cidadanía a existencia dun servizo de balde municipal para a recollida de utensilios.
Trátase dunha medida con dúas vertentes: a primeira o punto limpo ao que se poden levar os materiais desbotados (localizado no Polígono da Tomada e con horario de 10.00 a 13 horas de luns sábado) e, a segunda, o servizo de recollida no propio fogar da persoa interesada (que pode chamar ao 981 87 18 08 para activalo).
Respecto das cousas que poden levarse ao punto limpo ou reclamar que sexan recollidas, son principalmente as seguintes: móbeis, electrodomésticos de todo tipo de trastes vellos en xeral (berces, tendais, colchóns, somieres, sofás, cadeiras, etc).
