20190829. A ludoteca impulsada pola Asociación Boirense de Empresarios (ABE), situada no local multiusos da praza de abastos, chega ao seu fin. Con tal motivo, celebrarase mañá unha festa de despedida con entrada libre desde as 11.00 ata as 13.30 horas, onde os máis pequenos da casa poderán realizar manualidades, actividades musicais, obradoiros e haberá moitas sorpresas.
Ás 13.30 horas, procederase á realización dos dous sorteos presenciais de 100 euros en vales de compra para utilizar nos establecementos colaboradores. O primeiro dos sorteos terá en conta as entradas utilizadas na ludoteca, mentres que o segundo, a tódolos clientes que cubran o reverso dos recibos de compra dos comercios asociados e os depositen na urna habilitada na entrada da ludoteca, dispoñendo ata mañá ás 13.00 horas para participar. En ambos casos extraeranse boletos ata que apareza un premiado.
