20190723. Penúltimo día dorneiro, pois esta festa vai chegando ao fin. Iso si, o ritmo non baixa. Hoxe toca a ‘II Maratasón Infantil’ para os minidorneiros, ás 11.31 horas. Xa pola tarde, ás 16.22 horas, celebrarase o ‘Trinautlón Dorneiro’ con probas en táboas de surf, en kayak ou en táboas de paddle. Ás 19.33 horas, será a quenda dos adultos no ‘Maratasón Dorneiro’, polo que terán que intentar superar o listón alto establecido polos máis pequenos.
Despois de tanta actividade física, toca afinar para dar o mellor de si na ‘Jran Final do Sertame Itinerante da Cansión de Tasca’, ás 21.41 horas. E falando de música, a partir das 22.54 horas, continúan as actuacións do Rock & Dorna, nesta ocasión a cargo de La Fuga para, ás 00.41 horas, darlle paso a Reincidentes.