20190701. No pleno de organización celebrado na Pobra do Caramiñal a semana pasada, o BNG e PP votaron en contra das dúas dedicacións exclusivas propostas por Nós Pobra, as cales se correspondían coa do alcalde e do edil José Carlos Vidal. Así mesmo, tampouco foi aprobada a contratación dunha persoa de confianza correspondente coa secretaria da alcaldía nin as retribucións de cada un dos concelleiros.
Así, o Executivo pobrense elaborará outra proposta para novamente sometela a pleno.
Finalmente, as comisións informativas quedaron compostas por 3 representantes de Nós Pobra, 3 do PP, 2 do BNG e 1 do PSdeG-PSOE.
