20190726. O peirao de Cabo de Cruz acolleu na xornada de onte o Campionato Galego de Traíñas 2019, converténdose así na sexta edición para a categoría feminina e a trixésimo sexta para a masculina.
Na modalidade absoluta feminina impúxose o Mecos, dos 7 clubs participantes. Seguiulle o Ribeira, Cabo, Tirán, Perillo, Mugardos e Chapela. Na absoluta masculina a vitoria foi parar a Cabo da Cruz, dos 16 equipos que competían. Despois quedou Ares, Meira, Tirán, Mecos, Vilaxoán, Bueu, Rianxo, Esteirana, Coruxo, A Cabana, Cesantes, Muros, Chapela, Vila de Cangas e Mugardos. Ademais, os dous mellores clasificados por autonomía acceden ao Campionato de España que se celebrará en Meira-Moraña o 3 e 4 de agosto.
A proba desenvolveuse en catro longos e en liña, co campo orientado de norte a sur e en liña paralela ao novo porto.