20190715. Carlos Abril e José Luis Ventura conquistaron a décimo terceira edición do Campionato de España Dobles de Pitch & Putt que se disputou esta fin de semana no campo de Barbanza Golf, situado no municipio de Boiro. Este evento deportivo congregou a 60 parellas que loitaron por facerse cun dos títulos máis anhelados do calendario para os xogadores desta especialidade do golf. O formato da cita establecía tres rondas de xogo Stroke Play de 18 buracos cada unha delas, as dúas primeiras baixo a modalidade foursome e fourball, e a terceira baixo a categoría Copa Canadá.
Unha xornada final de 97 golpes baixo a modalidade Copa Canadá, para un total de 193, permitíronlle aos campións superar a David Abadía e Jesús Casajús, os cales conseguiron 100 golpes para concluír con 19 e dous por enriba dos gañadores. Ademais, Daniel Varela e Miguel Ángel Vázquez acadaron a terceira posición con 203 golpes, completando así o podio do torneo.
Na modalidade foursome, Carlos Abril e José Luis Ventura convertéronse en líderes tras os primeiros 18 da competición, despois de anotar 49 golpes, dous menos que David Abadía e Jesús Casajús, que asinaron 51 golpes. Outras tres parellas completaron o percorrido baixo par. En concreto, con 53 golpes situáronse José Jorge Rodríguez e Javier Rodríguez; Simón Varela e Miguel Ángel Vázquez; e José Mata e Fernando Mata.
Por outra banda, a modalidade fourball estivo dominada por David Abadía e Jesús Casajús obtendo 44 golpes para un total de 95, avantaxando nun a Carlos Abril e José Luis Ventura, os cales perderon o liderado con 47.
