20190729. O CR Ares conquistou a XVI Bandeira de Traiñeiras Concello de Rianxo que se celebrou onte ao mediodía, cun tempo de 19:43:82. A prata foi parar ao SD Tirán Pereira cun tempo de 19:46:51, mentres que o CR Mecos Isabel fíxose co bronce cun tempo de 19:50:48. Despois quedou o SD Samertolameu Oversea, CR Cuca Vilaxoán, CM Bueu Teccarsa, CR Rianxo, CDM Mera, CR Cabo da Cruz, CR Muros e Amegrove CR.
O percorrido constou de 5.556 metros, repartidos en catro longos, con tres ciabogas e en liña. Ademais, a proba estivo composta por tres quendas e a clasificación final estableceuse por tempos, gañando a embarcación que acadou o mellor dato, independentemente da quenda.
Este evento deportivo arrancou, ás 12.00 horas, co inicio da regata e saída da primeira quenda e, ás 13.00 horas, entregóuselle a Bandeira ao vencedor en augas da ría de Arousa.
Ademais, o Club de Remo Rianxo disputou esta regata cunha nova traíña, unha amilibia, cedida polo Concello para mellorar a calidade dos adestramentos e competicións.
