A Xunta inicia hoxe a construción dun itinerario peonil entre Tallós e Bexo

15 Xullo 2019

20190715. A Consellería de Infraestruturas e Mobilidade comeza hoxe as obras para a construción dun itinerario peonil e ciclista na estrada AC-305, entre Tallós e Muronovo, por un investimento de case 230.000 euros.

Os traballos, cun prazo de execución de cinco meses, consistirán na execución de tres tramos de senda, que xunto cos xa existentes, permitirán completar un itinerario peonil na marxe dereita da estrada AC-305, entre os lugares de Tallós e Bexo.

As sendas que se van construír suman máis de 1’5 quilómetros, iniciándose a actuación á  entrada de Tallós, entre os puntos quilométricos 2+450 a 2+570, seguindo de Tallós a Muronovo, puntos quilométricos 2+920 a 3+630, e rematando no tramo de Mo a Bexo, puntos quilométricos 5+155 a 5+875.

Ademais, colocaranse unha tubaxe para canalizar as augas de drenaxe, así como unha canalización que permita nun futuro a instalación de alumeado se é preciso.

Esta actuación enmárcase na estratexia deseñada pola Xunta de Galicia para “a promoción de contornos urbanos seguros, fomento da mobilidade sustentable e a mellora da accesibilidade e calidade de vida da cidadanía.”

Outros artigos

Presentados os novos párrocos no Barbanza

Este domingo o arcebispo de Santiago procedeu a presentar ós novos párrocos e moderadores das parroquias do Araño, Isorna, Taragoña, Fruime, Boiro, Abanqueiro, Bealo, Cabo de Cruz, Cespón , Cures e Macenda. O arcebispo de Santiago de Compostela, monseñor Francisco...

+

Publicidade

Revista en papel

Opinión

“Inseguridade social” – José Manuel Pena

“Inseguridade social” – José Manuel Pena

A Fundación Europea para a Mellora das Condicións de Vida e de Traballo da UE (Eurofound) sinala que “os sentimentos de inseguridade en varios aspectos da vida da poboación europea están estendidos, mesmo entre as persoas que están materialmente acomodadas. Os...