20190718. Cabo de Cruz foi escenario esta mañá dun conflito entre os mariscadores de a pé e os rañeiros, pois os primeiros afirman que os segundos invaden cada vez máis espazo das súas concesións.
Segundo manifestaron os mariscadores de a pé, cando chegaron a traballar a Ladeira do Chazo e Triñáns, atopáronse con que os de a flote achegáranse case por completo a terra, superando as lindes que delimitan as zonas de traballo de cada un.
Foi entón cando o colectivo de a pé decidiu non traballar para concentrarse diante da confraría, impedindo que os de a flote puidesen comercializar as súas capturas.
Debido aos enfrontamentos entre ambas partes, foi precisa a intervención da Garda Civil.