20190724. O Museo Valle-Inclán da Pobra do Caramiñal ofrece tódolos mércores ata o mes de setembro incluído, ás 13.00 horas, visitas guiadas de balde. A temática sobre a cal versa esta actividade é a Torre Bermúdez como edificio declarado monumento histórico-artístico de carácter nacional e sobre as coleccións do escritor.
A duración estimada da cita é de 45 minutos e precísase un grupo mínimo de 4 persoas para o seu desenvolvemento.
As inscricións poden realizarse chamando ao 981831662 ou enviando un correo electrónico a museo.valleinclan@apobra.gal.