Ribeira e as parroquias homenaxean ás súas heroínas traballadoras en O Labor en Silencio

27 Xuño 2019

20190627 As fotos de monumentos e grandes acontecementos históricos xa tiveron a súa oportunidade. Agora tócalle á xente e as súas pequenas (grandes) historias. Disto trata o proxecto Cóntame a túa historia, impulsado polo Museo Municipal en Ribeira en colaboración co arquivo local (AMR): unha iniciativa de participación e implicación cidadá na que se fai un convite a reconstruír a historia do concello a partir do incalculábel valor das testemuñas individuais de cada quen. O proxecto vén de dar un novo paso coa exposición O Labor en Silencio que se vén de inaugurar no museo de Ribeira baixo a óptica da muller traballadora. Trátase dunha emocionante homenaxe á parte da historia que sae por tradición en segundo plano: a xente.

As dúas propostas teñen un nexo común: recuperar imaxes e documentos históricos locais, cedidas polas veciñas e veciños, coa finalidade de “crear un arquivo fotográfico que conserve, estude e divulgue a historia recente de Ribeira”.

Di a nova corrente de investigadores históricos que a historia ás veces non está nos traballos feitos polos cronistas oficiais: atópase agochada e recóndita, agardando a súa oportunidade, nas caixas que gardamos con imaxes de familiares e amigos ás que, por tradición, ningún gran estudoso lles ten adicado a importancia que merecen.

Matilde Cores cortando o cabelo a un neno en 1961, na súa barbería de Corrubedo/Imaxe cedida por Fernando Vilariño

As mulleres, homes e nenos que pasan polas fotos que se poden ver estes días no museo de Ribeira son traballadoras da salgadura, da conserva, do mar e do agro, de Ribeira, de Castiñeiras, de Aguiño e de Corrubedo, perfectamente recoñecíbeis e con nomes propios (non só os nomes que figuran nos seus documentos de identidade, senón tamén os alcumes polos que as coñecía a xente, que eran tan verdadeiros ou máis cós apelidos). Por alí desfilan Lolita A Pataca, Jesusa de Couso, a Tía Matilde (propietaria da barbaría de Corrubedo), Andrés O Xanote ou Ventura A Xanota, entre outras moitas e moitos. A mostra de fotografías resultante, posíbel grazas ao estimábel traballo das persoas e asociacións que recuperaron e cederon as imaxes, é importante non só dende o punto de vista cuantitativo senón tamén cualitativo (a calidade de grande parte das contribucións, realzadas polo branco e negro que fai destacar os rasgos das traballadoras e a luz, chama a atención de calquera visitante, sexa de Ribeira ou non).

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

O Concello de Ribeira mantén unha reunión coa veciñanza de Oleiros

O equipo do Goberno municipal de Ribeira mantivo unha reunión coa veciñanza da parroquia de Oleiros co propósito de informar das actuacións que o Consistorio está a levar a cabo na parroquia e para recoller todas as inquedanzas que ten a veciñanza en diferentes eidos....

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...