20190627. O Concello de Ribeira únese á celebración do Día do Orgullo LGTBIQ+ e a bandeira do colectivo vestirá durante estes días a fachada da casa consistorial.
Mañá venres 28, procederase á entrega de premios aos gañadores do concurso de chíos #rachaestereotipos, ás 12.00 horas. O alcalde, Manuel Ruiz, entregará á galardoada co primeiro premio, María Maceiras Pérez, unha tableta, e ao gañador do segundo premio, Iker Fernández Vidal, un altofalante. Ás 13.00 horas terá lugar a lectura dun manifesto na praza do Concello, unha declaración institucional do Concello ribeirense do Día do Orgullo LGTBIQ+, así como unha performance baixo o título DC-8/A posibilidade do Imposible, a cargo de LAG. Esta última trátase dunha acción como reacción á marxinación que sofren as persoas cunha orientación sexual que non segue as pautas do socialmente establecido.
Finalmente, o sábado 29, ás 13.00 horas, haberá sesión vermú con DJ na rúa Alcalá Galiano.
