Máis de 200 autores de todo o mundo participaron no Premio Atlante de Gravado

24 Xuño 2019

20190624. O Museo do Gravado de Artes celebrou por décimo ano consecutivo o Premio Atlante de Gravado. Nesta ocasión participaron máis de 200 obras de autores de países como Australia, Polonia, Brasil, Arxentina, Uruguay, India, Rusia e España, entre outros. E desde que se iniciou este certame no ano 2009, foron máis de 3.000 as obras presentadas.

O máximo galardón foi parar a mans do artista catalán Juan Escudero García coa súa obra titulada Dos grados, unha estampa realizada coa técnica de augaforte. Deste xeito, recibirá o cheque de 5.000 euros correspondente á categoría máis importante, a cal leva o nome de Ramiro Carregal.

Así mesmo, concedéronselle os tres premios Atlante, valorados en 2.500 euros cada un, a Anna Trojanowska, de Polonia; Ana María Bellido Zambrano, de España; e, María Gabriela Guzmán, de Chile. Mentres tanto, a coruñesa Nuria Pena alcanzou o premio Galicia, dotado con 2.000 euros.

Así mesmo, concedéronselle mencións honoríficas a Sara Cabo, José Ignacio Rincón, Manuel Prados, Iago Fontoira e Javier López. Ademais, seleccionaron un total de 40 obras para a súa mostra no museo en setembro, montando unha gran exposición que ocupe dúas salas con motivo do décimo aniversario do premio, así como recuperando as gañadoras das pasadas edicións.

O xurado estivo composto por Isabel Pintado, Carmen Hermo, Juan Monterroso Montero, José Daniel Buján, José Manuel López Vázquez, Alfonso Costa e Manuel Ayaso.

Outros artigos

A Deputación da Coruña apoia o labor de Misela, Renacer e ADISBISMUR

O presidente provincial, Valentín González Formoso, nunha visita á sede de Misela, en Noia A Deputación da Coruña publicou no BOP deste luns 26 de febreiro a concesión provisional das subvencións dirixidas a entidades sen fins de lucro para o mantemento de programas e...

+

Publicidade

Revista en papel

Opinión

“Inseguridade social” – José Manuel Pena

“Inseguridade social” – José Manuel Pena

A Fundación Europea para a Mellora das Condicións de Vida e de Traballo da UE (Eurofound) sinala que “os sentimentos de inseguridade en varios aspectos da vida da poboación europea están estendidos, mesmo entre as persoas que están materialmente acomodadas. Os...