Augas de Galicia comeza a limpeza da contorna do río Coroño

28 Xuño 2019

20190628 Co fin de evitar posíbeis asolagamentos e problemas de atoamento do libre discorrer das augas, veñen de comezar no concello de Boiro unha serie de labores de conservación e limpeza no río Coroño. Os traballos, desenvolvidos nas parroquias de Lampón (Santiago) e Boiro (Santa Eulalia) polos operarios de Augas de Galicia, concéntranse en tres regos da devandita canle fluvial ao seu paso polo municipio: Pontellón, Lampán e Pasariño.

As tarefas nos tramos que percorren os lugares de Lampón e Boiro forman parte da actividade específica para áreas con risco potencial de inundacións. As actuacións de Augas de Galicia (Consellería de Infraestruturas e Mobilidade) consisten basicamente na retirada de árbores e pólas caídas sobre a canle e as marxes do río, así como da madeira morta. Segundo informa a Xunta, “unha vez rematados estes traballos, os tres regos e o río quedarán despexados de maleza, posibilitando así a circulación fluída das súas augas”.

Outros artigos

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...

+

Día das Letras pasado por auga e temperaturas suben baixas

Continuamos durante o venres con inestabilidade atmosférica. Con esta situación, agárdanse intervalos nubrados con chuvascos acompañados de tormenta. As temperaturas continuarán sen cambios ou con lixeiros ascensos das máximas. Os ventos soprarán do noroeste, frouxos...

+

Publicidade

Revista en papel

Opinión