Arranxo do camiño de Canaveiros en Oleiros

20190621 O Concello de Riveira actuará no camiño do lugar de Canaveiros na parroquia de Oleiros para tratar a mellora do firme. O vial obxecto deste proxecto rexistra hoxe un pavimento deaglomerado asfáltico bastante deteriorado debido, en boa parte, aque as raíces das árbores próximas invaden a calzada e producen abultamentos na mesma.

A actuación busca a mellora deste firme coa aplicación dunha nova capa de aglomerado aslfáltico en quente, ademais de ampliar o anchon nalgúns tramos.

Previamente á nova pavimentación, serán limpadas as marxes para evitar que as raíces volvan a deterioralo pavimento. O prazo de execución é dun mes e medio e o prezo de licitación, 54.253,91 euros, IVE incluído.

A actuación está financiada pola Axencia Galega de Desenvolvemento Rural da Consellería do Medio Rural da Xunta de Galicia.

Lugar de Canaveiros na parroquia de Oleiros