20160614 Un grupo de xornalistas estranxeiros coñeceu de primeira man a calidade e actividades náuticas deportivas dos clubs náuticos galegos e os servizos que ofrecen a todas as embarcacións que deciden amarras nos seus pantaláns. A visita, organizada pola Asociación de Clubs Náuticos de Galicia (ASNAUGA) coa colaboración do IGAPE (Instituto Galego de Promoción Económica), celebrouse hai uns dias co obxectivo de promocionar o turismo e os deportes náuticos.
Procedentes de Inglaterra, Francia e Portugal, xornalistas especializados no sector percorreron durante catro días, dez dos trinta clubs que pertencen a ASNAUGA. A visita enmárcase na promoción das actividades e deportes náuticos, así como nas instalacións punteiras de pártea norte e central de Galicia. Desde o Real Club Náutico de Ribadeo ata o Club Náutico de Boiro, pasando polo Club de Mar de Ferrol, Club Náutico Ría de Ares, Club Náutico de Sada, Real Club Náutico da Coruña, Club Náutico de Camariñas, Real Club Náutico de Portosín, Club Náutico Deportivo de Riveira, Club Náutico de Barraña (Boiro), Club Náutico de Boiro-Cabo de Cruz e Club Náutico de Rianxo. Así mesmo, o último culminou o día remontando o río Ulla en barco, visitando a Vila de Padrón e a Igrexa do Pedron. E posteriormente asistiron á entrega de premios da regata Elidente organizada polo Club Náutico de Rianxo. O presidente de Asnauga, Javier Ruiz de Cortázar Díaz, foi o encargado de exercer de anfitrión e guiar á delegación estranxeira para ofrecerlles unha visión global das infraestruturas, así como informarlles de todos os servizos que están ao alcance das embarcacións que amarran en Galicia. Número de amarres dispoñibles, accesos por mar e terra, mariña seca, varaderos para reparacións, travel- lifts, oferta de hostalería, servizos de vixilancia, conexións marítimas, redes de comunicacións e gastronomía foron só algúns dos aspectos que máis interesaron aos xornalistas para trasladar ás súas lectores referencias exactas á hora de recalar en Galicia.
