20190628 Este venres 28 de xuño celébrase no mundo o Día da Diversidade Sexual, e os nosos concellos están a sumarse plenamente ás reivindicacións. Se onte falabamos das actividades de Ribeira, cómpre lembrar que Pobra e Rianxo sumáronse á campaña Liberdade de ser e sentir!, que puxo en marcha a Deputación da Coruña para conmemorar a dita xornada e reivindicar as diferentes identidades sexuais e a comunidade LGTBQI.
No caso da Pobra, estes días a Concellería de Igualdade habilitou un toldo informativo na praza do Emigrante para contribuír a xerar na sociedade, especialmente na mocidade, valores como a tolerancia e a igualdade das persoas gais, lesbianas, bisexuais, transexuais, queer e intersexuais. Amais, a fachada do consistorio adobiouse cunha bandeira reivindicativa.
O obxectivo final é sensibilizar sociedade sobre as diversidades sexuais e visualizar a comunidade LGTBQI+.
