A comarca celebra este 28 de xuño o Día da Liberdade Sexual

26 Xuño 2019

20190626 Este venres 28 de xuño celébrase no mundo o Día da Diversidade Sexual, e o Barbanza non vai ficar á marxe das celebracións. De feito, media ducia de concellos sumáronse á campaña Liberdade de ser e sentir!, que puxo en marcha a Deputación da Coruña para conmemorar a dita xornada e reivindicar as diferentes identidades sexuais e a comunidade LGTBQI. Á campaña, que ten web de seu (www.seresentir.gal, unha canle activa de divulgación e formación que pon o foco na mocidade e que fornece á rapazada de todo de recursos literarios e cinematográficos de sensibilización) e que colle impulso hoxe na Coruña con diversos espectáculos, adheríronse A Pobra e Rianxo. E tamén Lousame, Porto do Son e Noia. En total, máis de 39 concellos.

A iniciativa xa leva días circulando polas redes co cancelo #seresentir. A imaxe escollida para esta edición está baseada nunha estética graffiti como “elemento reivindicativo por excelencia, sinónimo de liberdade e libre pensamento, conceptos moi vinculados coa campaña”, segundo explicou os días pasados a Deputación, que engadiu que o lema Liberdade de ser e sentir! quere ser un berro para reivindicar o dereito á liberdade sexual e á tolerancia das persoas.

A iniciativa complétase con accións dirixidas a xerar na sociedade, especialmente na mocidade, valores como a tolerancia e a igualdade das persoas gais, lesbianas, bisexuais, transexuais, queer e intersexuais, co fin de naturalizar e sensibilizar á sociedade sobre as diversidades sexuais e visualizar a comunidade LGTBQI+.

Outros artigos

Aguiño será sede da ACT o vindeiro sábado día 20 de xullo

Hoxe déronse cita na escultura dos percebes de Aguiño, os alcaldes de Ribeira, Boiro, A Pobra do Caramiñal, a xerencia da Mancomunidade Barbanza Arousa, o patrón maior de Aguiño, edís do concello de Ribeira e a xunta directiva da ACT para presentar a proba de remo...

+

Publicidade

Revista en papel

Opinión

“Sete anos non son nada?”. Antón Luaces

“Sete anos non son nada?”. Antón Luaces

Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco. Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas...

“Hay jueces que hacen política”. Manuel Velo

“Hay jueces que hacen política”. Manuel Velo

Hay jueces y líderes del PP que al unísono acusan al legislativo y al gobierno de que no respetan la separación de poderes cuando ellos son los primeros en no hacerlo. La separación de poderes exige lo siguiente. El poder emana de la soberanía del pueblo eligiendo al...