20190628. A nova directiva da Asociación Boirense de Empresarios (ABE), presidida por Daniel García, mantivo unha primeira xuntanza co novo alcalde do municipio, José Ramón Romero, co obxectivo de trasladarlle varias propostas e demandas do empresariado.
O tema principal a tratar foron os problemas derivados da celebración das festas de Boiro da vindeira semana, polo que a ABE solicitou que “se tivera especial coidado na colocación das atraccións e chiringuitos.” Consideran esencial que non se tapen as entradas e escaparates dos comercios, así como o respecto das zonas de acceso para carga e descarga. Isto último adquire gran relevancia para a asociación, pois “as festas de Boiro coinciden co inicio das rebaixas, unha data de especial importancia para o sector comercial que ademais non atravesa o seu mellor momento.”
Tamén destacan a importancia do control “sobre a venta de produtos falsificados que tanto proliferan polas festas veraniegas galegas.” Así mesmo, desde a ABE atópanse tentando solucionar, ou cando menos mitigar, “este importante problema que tanto dano fai ao comercio local polo que pedimos que o Concello de Boiro sexa especialmente sensible a elo e realice todo o que está na súa man para controlar, xunto coa policía local e garda civil, a venda ilegal de produtos falsificados.”
