Os independentes de IPR acoden ao 26 de maio co reto de facer avanzar un proxecto de seu onde o máis importante é a defensa e o compromiso polas veciñas e veciños. A agrupación fai gala ademais dunha liberdade de acción coa que, segundo din, non contan outros partidos políticos que dependen dos programas ditados polos seus dirixentes. Rosa García Pose, ex-traballadora da Oficina Agraria Comarcal, leva 16 anos á fronte do partido. Foi a primeira muller que liderou unha candidatura en Ribeira. Nas súas propostas para estes catro anos latexa un obxectivo común: traballar pensando na xente.
Arroupando a Rosa García ocupan a cabeza de listaxe de IPR Juan Manuel Reiriz Lampón, María Rosa Natividad García Pose, Juan Manuel Reiriz Lampón, María de los Ángeles Fernández Olveira, Tomás Antonio Muñiz Pérez, Encarnación del Pilar García Suárez, José Ángel Vilas Parada, Sara María Moreira Sixto, David Cameán Mariño e Elisabeth Pérez Lorenzo.
