No punto de mira da candidatura de Ramiro Ouviña está a creación de empendemento (con especial atención á mocidade e ás mulleres), a atención á cidadanía (traballando por unha Pobra “das persoas, peonil, accesíbel e segura”) e a aposta pola solidariedade, a participación e os servizos sociais de calidade.
Ramiro é capitán da mariña mercante, con experiencia na navegación de todo tipo de buques, pero con especial presenza ao mando de petroleiros. A día de hoxe xubilado, a súa relación co nacionalismo galego vén de lonxe, pero a partir dos anos 90 fíxose máis estreita, entrando pouco máis tarde nas listas do BNG, partido co que se presentou aos anteriores comicios locais.
A cabeza de lista está composta por Ramiro Ouviña Ouviña, Cristina Andrade González, Laura Novelle López, Alicia Miguéns Vila, Manuel Fernández Fernández, Mercedes Maceiras Rodríguez, Xosé Mª Abuín Noya, Ana Rosa López Davila, Ramón Míguéns Romero e Natividad Peña Fernández.
