O actual alcalde de Boiro polo Partido Popular, Juan José Dieste, encara nestas eleccións locais a súa terceira campaña. O rexedor e máis o seu equipo, que aspiran á maioría absoluta (con toda a capacidade de movementos que isto implica), queren dar continuidade “aos éxitos e logros acadados nas anteriores lexislaturas”. Dieste afronta a campaña destacando as importantes capacidades da agrupación local que representa en todos os ámbitos da actividade política.
O alcalde, nado en Escarabote en 1963, ocupa o seu posto á fronte do Concello dende maio de 2011. É licenciado en Económicas pola USC e ten experiencia profesional nunha das empresas punteiras galegas: a boirense JEALSA.
A agrupación do PP local está encabezada por Juan José Dieste, Fernando Manuel García Diéguez, Manuel Romero Vázquez, Carmen Beatriz Deus Míguez, María José Lourenzo Ouviña, Diego Santamaría Vila, Benigno Miguel González Bermúdez, Paula García Alcalde, Martín Romero Luaces e Denís González Maneiro.